Британия ташқи ишлар вазири Лиз Трасс Бош вазир сифатида мамлакат учун фалокат бўлиши мумкин. Бу ҳақда Шотландиянинг биринчи вазири Никола Стуржун Британиянинг “Sky News” телеканалига берган интервьюсида айтиб ўтди.

“Агар у мамлакатни ёз фасилида сайловолди ташвиқотини олиб борган каби бошқарса, бу нафақат Шотландия, балки бутун Буюк Британия учун фалокат бўлади. Лекин умид қилайликки, бундай бўлмайди, чунки вазият Буюк Британия учун жуда оғир ва бизга ўта жиддий ва онгли раҳбарлик керак”, – дейди Стуржун.

Қайд этиш мумкин, Буюк Британия Бош вазири лавозими учун сайлов натижалари эртага, 5 сентябрь куни эълон қилинади.

Аввалроқ, Трасс электр энергияси нархи билан боғлиқ муаммони ҳал қилишга ваъда берган ва мамлакат корхоналари ёпилмаслигига кафолат берилишини айтиб ўтган эди.

• Британия
• Liz Trass
• Лондон
• Parlament
• Shotlandiya