Аралаш жанг санъатлари бўйича энг нуфузли ташкилотлардан бири саналган UFC вазн тоифасидан қатъий назар энг кучли жангчилар(P4P) рўйхатини эълон қилди.

Янгиланган рейтингда энг юқори кўтарилиш асли доғистонлик бўлган, аммо Швеция байроғи остида мусобақаларда қатнашувчи Ҳамзат Чимаевга тегишли бўлди. У нақд 10 поғона юқорилаб, топ-5 га кириб олишга муваффақ бўлди. У ҳозирда 4-ўринда бормоқда.

Ҳамзатга ўз чемпионлик камарини бой берган Дрикус ду Плесси эса аксинча, 7 ўринга пастлаб, 11-поғонага тушиб кетди. 

Енгил вазн тоифасида собиқ UFC чемпиони Чарлз Оливейра эса, P4P рейтингидан чиқарилди. Бу эса қозоғистонлик Шавкат Раҳмоновнинг 15-ўринга кўтарилиб олиши учун хизмат қилди. Александр Пантожа, Макс Ҳолловей, Билол Муҳаммад ва Арман Сарукян бир поғонадан пастлаган. UFC P4P рейтингида ҳамон чемпион Иля Топурия пешқадам бўлиб турибди. 

• Белал Муҳаммад
• Chimayev
• MMA
• UFC