Россия Украина босиб олган ҳудудларида псевдореферендум ўтказиш нияти муносабати билан Владимир Зеленский Россия томонининг эълонлари ва шовқинларига қарамай, Украинанинг ўз ерларини озод қилиш бўйича позицияси ўзгармаслигини таъкидлади.

Бу ҳақда мамлакат раҳбари украиналикларга қилган мурожаатида айтди.

“Албатта, бугун Россиядан жуда шов-шувли хабарлар келмоқда. Бу борада кўплаб саволлар бор. Лекин аслида нима бўлди? Илгари эшитилмаган нарса ҳақида нималар янгради? Бизнинг позициямиз аниқ ва ҳаммага маълум ва бизнинг вазифамиз нимадан иборат: Украина қуролли кучларини кўпроқ қўллаб-қувватлаш, разведкани кўпроқ қўллаб-қувватлаш, махсус операциялар кучларини қўллаб-қувватлаш, Украина Хавфсизлик хизмати, Миллий гвардия, полиция, чегарачилар ва аста-секин тикланаётган ҳар бир кишини қўллаб-қувватлаш. Бизнинг ҳудудий яхлитлигимиз. Бизнинг позициямиз шовқиндан ёки қаердандир келган бир эълондан ўзгармайди”, – деди Зеленский.

Украина раҳбари шу муносабат билан мамлакатни халқаро ҳамкорлар ҳар томонлама қўллаб-қувватлаётганини таъкидлади.

“Биз халқаро муносабатларнинг барча субъэктларини содир бўлаётган воқеалар ҳақида хабардор қиламиз. Биз нафақат шерикларимиз, балки бизнинг курашимиздан узоқлашишга ҳаракат қилган давлатлар томонидан ҳам тушунишни кўрмоқдамиз. Бундай шароитда Украинани қўллаб-қувватлаш бўйича қадамлар бўлади. Бирдамликни сақлаймиз, Украинани ҳимоя қиламиз, еримизни озод қиламиз ва ҳеч қандай заифлик кўрсатмаймиз”, – деди Зеленский.

У Украинанинг барча дўстлари ва ҳамкорларига Россиянинг навбатдаги псевдореферендум ўтказишга уринишларини оммавий, принципиал ва қатъий қоралагани учун миннатдорчилик билдирган.

• Donetsk
• Lugansk
• Россия
• Украина
• Зеленский