Ўзбекистонда автомобиль ишлаб чиқарувчи компания Россияда судга тортилди. Бу ҳақда “Правда УрФО” хабар берди.

Қайд этилишича, “Магнитогорск темир-пўлат заводи” ЁАЖ Челябинск вилояти арбитраж судига UzAuto Motors’га қарши даъво аризаси билан мурожаат қилган.

Завод Ўзбекистон компаниясидан 8,5 миллион рубль олишни режалаштирган. Тегишли маълумотлар эса арбитраж ишлари файлига жойлаштирилган.

Аниқланишича, арбитраж суди аризани қабул қилиб, иш бўйича иш юритиш бошланган ва Ўзбекистон компаниясига иш бошланганлиги ҳақида хабар берилган.

Дастлабки суд мажлиси 18 июнга белгиланган.

Заводдаги манбалар журналистларга қўйилган талаблар тафсилотларига ойдинлик киритмади, аммо гап етказиб берилган металл маҳсулотлари учун қарз ҳақида кетаётган бўлиши мумкин.

• Россия
• ЎзАвто
• UzAutoMotors