Ўзбекистон ташқи ишлар вазири вазифасини бажарувчи Владимир Норов Тошкентда ўтказилаётган Афғонистон бўйича халқаро конференсиядаги маърузасида Афғонистоннинг хориждаги молиявий активларига қўйилган чекловларни олиб ташлашнинг қанчалик муҳим эканлигини таъкидлади.

“Афғонистоннинг хориждаги молиявий активларига қўйилган чекловларнинг олиб ташланиши афғон иқтисодиётини тиклаш, муҳим инфратузилма лойиҳаларини амалга ошириш ҳамда бугунги кунда ушбу дўст мамлакат халқи олдида турган ўткир ижтимоий муаммоларни ҳал этишнинг асосий омилларидан биридир”, – дейди Владимир Норов.

Маълумот учун, бугун 26 июль куни Тошкент шаҳрида “Афғонистон: Хавфсизлик ва иқтисодий ривожланиш” Тошкент халқаро конфренсияси бўлиб ўтмоқда. Унда Ўзбекистон ҳукуматидан Ташқи ишлар вазири в.б. Владимир Норов ва Ўзбекистон Республикаси Президентининг ташқи сиёсат масалалари бўйича махсус вакили Абдулазиз Камилов ҳамда б.лар қатнашмоқда.

• Афғонистон
• Конференция
• Tashkent city
• Владимир Норов