Хеопс пирамидасида учта сирли эшик топилди. Бу ҳақда Мисрнинг қадимий ашёлар бўйича собиқ вазири Захи Хавас Тҳе сун газетасига берган интервьюсида айтиб берди.

Археологлар эшиклар ортида нима борлигини аниқлашга умид қилишмоқда. Миссиянинг бошланиши 5 декабрга белгиланган.

Эшиклардан бири пирамидадаги иккинчи хонанинг жанубий эшиги яқинида жойлашган. Унинг иккита мис тутқичи бор. Иккинчи эшик ундан 21 см узоқликда жойлашган. Учинчи эшик эса шимолий туннелда аниқланган.

Археологлар биринчи эшикдан кичик тешик очиб, махсус камера орқали иккинчи эшик мавжудлигини билишган. Бироқ уларнинг орқасида нима яширинганига ҳозирча ойдинлик киритилмаган.

Хавас археологлар жамоаси Хеопс сирини очиб бера олишига умид қилмоқда. Тахминларга кўра, шимолий туннелдаги эшик ортида бошқа эшик ҳам бўлиши мумкин.

• Misr
• Пирамида