Хитойнинг IT гиганти – “Xiaomi” ёз фасли охиригача ўзининг биринчи электромобилини намойиш қилади. Компания аллақачон ишлаб чиқаришдан олдинги биринчи прототипни тайёрлаб қўйган ва эълон қилиш тадбири август ойида бўлиб ўтади. Компания электромобиль дизайнини тақдим этади ва эҳтимол унинг асосий хусусиятларини очиб беради.

“Xiaomi” учун автомобиль бизнеси муҳим босқичга яқинлашмоқда: асосчиси ва бош директори Лей Жун тахминан бир ой ичида оммавий тадбирда биринчи моделнинг прототипини намойиш қилмоқчи. Инсайдерларнинг фикрича, “Xiaomi Auto” июнь ойи ишлаш учун асосий муаммога айланди – тадбиркор ўз иш вақтининг учдан икки қисмини автомобил идорасида ўтказади, компания учун ушбу энг муҳим лойиҳани назорат қилади, агар у муваффақиятли бўлса, даромадларни сезиларли даражада диверсификация қилади.

Йиғиш нуқтайи назаридан “Xiaomi” “Yizhuang” заводига таянади, у ерда компания ўзининг тадқиқот ва ишланма марказига эга бўлади. Ушбу корхонанинг кутилаётган ишлаб чиқариш қуввати йилига 300 000 та электромобил ишлаб чиқаради, бироқ биринчи босқичда “Xiaomi” йилига 150 000 та автомобил ишлаб чиқаради. Умуман олганда, компания яқин ўн йил ичида автомобилсозлик бўлинмасини ривожлантириш учун тахминан 10 миллиард доллар сарфлашга тайёр.

“Xiaomi” ўз электромобилларини йиғишни ташкил этган дастлабки IT компаниялар қаторида бўлади, аммо ягона IT гиганти эмас. Келгуси йилларда “Xiaomi” компанияси қаторига кўплаб брендлар қўшилади, жумладан “Sony”, “Foxconn” ва “Apple”. Масалан “Apple” бир неча йиллардан бери Титан лойиҳаси доирасида электромобиль ишлаб чиқариш устида ишламоқда, бироқ бу ҳақда ҳали расман эълон қилмаган. Бироқ, кўплаб таҳлилчилар ва инсайдерлар “Apple car” бозорга 2025 йилдаёқ кириб келишига ишонишади.

• Электромобил
• Xiaomi
• Хитой
• технология