“Xiaomi” янги “Mijia Glasses Camera” гажетини эълон қилди. Бу ном ўзини тўлиқ оқлайди: ушбу қурилма смартфонни чўнтакдан чиқармасдан юқори сифатли расм суратга олиш имконини берувчи жуфт камерага эга ақлли кўзойнаклардир. Шу билан бирга, кўзойнакларнинг ўзи қутбланган, шунинг учун улар кўзларни қуёш нурларидан ҳимоя қила олади.

Асосий камера модули 50 мегапикселли, шунингдек, 8 мегапикселли телефото линзалари ҳам мавжуд. Уларнинг комбинацияси 5х оптик ва 15х гибрид зумга эришиш имконини беради. Кўзойнакда олинган фотосуратлар ва видеолар смартфон билан синхронлаштирилади, сиз 100 дақиқагача бўлган видеоларни ёзиб олишингиз мумкин (32 ГБли диск туфайли).

“Xiaomi” қурилмани айёрлик билан ишлатилмаслигига жавоб беради. Гажет кўзга ташланмайдиган ёки яширин бўлмаса-да, камера режимига ўтилганда, фойдаланувчи ўзининг суратга олинаётганини тушуниши учун унда LED сенсори ишга тушади.

Қурилма кенгайтирилган ҳақиқатни ҳам қўллаб-қувватлайди. Ишга туширилганда фақат иккита хусусият эълон қилинади: реал вақтда таржимон (инглиз тилидан хитой тилига) ва камерани бошқариш учун АR кўрсатмалари. Келажакда хусусиятлар рўйхати янгиланишлар орқали кенгайтирилиши ваъда қилинган.

Кенгайтирилган реаллик режимида тасвир “Sony” томонидан ишлаб чиқилган 0,23 дюймли MicroLED дисплейда ва кўзойнак устидаги тасвирни акс эттирувчи призмада кўрсатилади. Камера ва ақлли функцияларни қувватлантириш 3 Гб тезкор хотирага эга саккиз ядроли “Qualcomm” процессоридир. Wi-Fi ва Bluetooth 5.0 смартфонга уланиш учун ишлатилади, бироқ офлайн режимда ишлаш имконияти ҳақида хабар берилмаган.

Массив кўринишига қарамай, гажетнинг оғирлиги бор-йўғи 100 грамм. Унинг 1020 МА/соат сиғимли аккумулятори 10 Вт симсиз зарядлашни қўллаб-қувватлайди, унинг ёрдамида сиз 30 дақиқада 80 фоизгача қувватлашингиз мумкин.

“Mijia Glasses Camera” ақлли кўзойнаги “Xiaomi” компанияси электрон бозорида 3 август куни сотувга чиқарилади. Қурилмани 370 доллар эвазига буюртма орқали ҳарид қилиш мумкин. Кенг миқёсда сотувга чиқарилганидан сўнг нарх 400 АҚШ долларига кўтарилади.

• Ko'zoynak
• Xiaomi
• Хитой
• технология