Хитойнинг шимоли-ғарбидаги Шенси провинциясида археологлар эрадан олдинги мавжуд бўлган аҳоли пункти қолдиқларини топдилар. Харобаларнинг ёши 3200 йил эканлиги аниқланди.

Шенси археология академияси тадқиқотчиларининг таъкидлашича, Лоесс платосида тахминан 3 миллион квадрат метр майдонни эгаллаган Чжайгу майдонида бинолар, қабрлар, кул чуқурлари ва кулолчилик буюмлари топилган.

Қабрлар маҳаллий зодагонлар вакилларига тегишли бўлган. Уларнинг кўпчилигида қимматбаҳо буюмлар: бронза аравалар, отлар фигуралари, нефритдан ясалган буюмлар, суяк, лак сақланиб қолган.

“Янги кашфиёт Шенсининг шимолий қисмида Шан сулоласининг сўнгги даврида юқори даражада ривожланган бронза цивилизацияси мавжуд бўлганлигини кўрсатади”, – дея таъкидлади илмий иш муаллифлари.

• Lifestyle
• Хитой
• қизиқарли