Олти йил аввал Ю Жианхиа исмли хитойлик аёл ўн икки сантиметрлик киприкларини дунёга кўрсатиб, Гиннеснинг рекордлар китобига кирган эди. 2021 йилда аёл ўз рекордини янгилашга муваффақ бўлган.

Бундай ноодатий рекорд эгаси киприкларидаги кутилмаган ўзгариш сабабини ўзи ҳам аниқ тавсифлаб бера олмаган. “Тахминан 2015 йилда мен кирпикларим доимий равишда ўсиб бораётганини англадим. Ҳатто киприкларим нега бошқаларникидан узунроқ эканини билиш учун шифокорларга бордим. Уларнинг ҳеч бири бу ҳодисани тушунтира олмади”, дейди аёл.

Охир-оқибат аёл бунинг сабаби генетикада деган хулосага келган. Гарчи аёлнинг энг яқин қариндошларидан бирортасида бундай кирпиклар бўлмаган.

Унинг кўзлари декоратив косметикасиз ҳам эътибор тортади. Бу вақт ва пулни тежайди. Шундай узун киприкларга халақит бермаслик учун Ю қизиқарли усулни ўйлаб топди, киприкларини сочлари билан қулоқлари орқасига қистирб қўяди.

• Гиннес
• Хитой
• қизиқарли