Хотирани яхшилаш ва кучайтириш учун иш жойида ҳам бажарса бўладиган, ҳар қандай ёшдаги инсонлар учун тўғри келадиган машқлар мавжуд.

Хотира учун самарали машқлардан бири расмларни эслаб қолиш ҳисобланади. Бундай машқни ўтказиш учун 10-15 тача жисм тасвирланган расмлар керак бўлади. Расмга 60 сония давомида диққат билан қаранг ва у ердаги нарсаларни эслаб қолишга ҳаракат қилинг. 60 сония ўтгандан кейин расмни беркитиб, эслаб қолган нарсаларингизни айтинг ёки ёзинг.

Санаш – хотирани кучайтириш учун жуда яхши машқ. Бу самарали усул бўлиб, 1 дан 20 гача ёки 20 дан 1 гача бўлган сонларни параллел равишда санаш керак. Масалан: 1, 20, 2, 19, 3, 18 ва ҳоказо. Ҳар куни ушбу машқни такрорлаб сонларни 10 тадан ошириб боринг ва 100 гача давом этинг. Машқни ухлашдан олдин бажарсангиз самараси катта бўлади.

Хотирани яхшилаш учун фойдали усуллардан яна бири “чапақай” қўл машқини бажаришдир. Чапақай инсонлар учун ўнг қўлни, ўнақайлар учун эса чап қўлни кўпроқ ишлатиш талаб этилади. Бундай машқ билан миянинг фаоллиги кучаяди ва хотира яхшиланади.

• Фойдали
• Miya faoliyati
• Xotira
• қизиқарли
• саломатлик