Мис глобал энергетика тизимида муҳим рол ўйнайди, деб ёзади USM Group (“Удоканская мед” ҳам киради) асосчиси Алишер Усмонов Жаҳон Иқтисодий Форуми сайтидаги мақоласида.

“Мис кўпинча янги олтин, янги нефт ёки ҳатто келажак металли деб номланади, чунки у паст углеродли иқтисодиётлар ва юқори технологияли саноатларда ажралмас рол ўйнайди” – дея қайд этган Алишер Усмонов.

Шунингдек, мақолада Алишер Усмонов Халқаро энергетика агентлиги маълумотларига иқтибос келтирган. Унга кўра, 2040 йилга бориб тоза энергия технологияларида қўлланиладиган минераллар ва металллар орасида мис, никел ва графитга талаб устунлик қилади. Бу вақтга келиб мисга талаб 2020 йилга нисбатан 2,7 баробар ошади.

“Ушбу металл қайта тикланадиган энергия технологиялари учун ҳам муҳим бўлади”, – деб ёзади Усмонов.

Бундан ташқари, USM асосчиси яқин йилларда мисга бўлган талаб металл нархининг ўсишига олиб келиши ва келажакда таклифдан ошиб кетиши мумкинлигини таъкидлайди.

“Мис танқислигининг олдини олиш учун қидирув ва янги лойиҳаларга сармоя киритиш, шунингдек, ишлаб чиқариш ва маҳсулдорликни ошириш учун технологияларни ишлаб чиқиш керак”, – деб ёзади миллиардер.

2020 йил май ойида Жаҳон банки 2050 йилга бориб, тоза энергия технологияларига ортиб бораётган талабни қондириш учун мис, графит, литий ва кобалт каби минералларни ишлаб чиқариш деярли 500 фоизга ошиши мумкинлиги ҳақидаги ҳисоботини тақдим этган.

Муаллифларнинг ҳисоб-китобларига кўра, шамол, қуёш ва геотермал энергиядан фойдаланиш ҳамда исиш жараёнини 2° C дан паст даражада ушлаб туриш учун энергияни сақлаш учун 3 миллиард тоннадан ортиқ минерал ва металллар керак бўлади.

• Алишер Усмонов
• Metallurgiya
• Олтин