Марказий банк томонидан жорий йилнинг 30 мартидан бошлаб “Янги Ўзбекистон” ва “Наврўз” мавзуларига бағишланган олтиндан тайёрланган 15 ва 20 грамм оғирликдаги ҳамда кумушдан тайёрланган 31,1 грамм оғирликдаги эсдалик тангалари сотувга чиқарилмоқда.

Қайд этилишича, мазкур эсдалик тангалари уларнинг техник хусусиятларини тасдиқловчи асиллик сертификатлари билан сотувга чиқарилади.

Харидорлар тижорат банкларининг филиалларида олтин ва кумуш эсдалик тангаларини нақд ва нақд пулсиз ҳисоб-китоблар асосида сотиб олиш мумкин.

 Шунингдек, эсдалик тангалари сотуви йўлга қўйилган тижорат банклари филиалларида белгиланган тартибда қайтариб сотиб олиш амалга оширилади.

• Esdalik tanga
• Марказий банк