Россия ва Украина 2026-йил 27-октябрь куни Херсон вилоятининг Россия қўшинлари назоратидаги Олешки шаҳрида гуманитар оператсия ўтказиш учун вақтинчалик ўт очишни тўхтатди. “Сукунат режими” шаҳарда қолаётган аҳолига ёрдам етказиш ва тинч аҳолини эвакуатсия қилишга тайёргарлик кўриш мақсадида жорий этилди. Бу ҳақда Деутсче Wелле хабар берди.

Россия Мудофаа вазирлиги баёнотига кўра, ўт очишни тўхтатиш Москва вақти билан соат 04:00 да кучга кирган. Украина Қуролли кучлари Бош штаби эса Киев вақти билан соат 03:00 дан бошлаб тегишли ҳудудда ўт очишни тўхтатиш режими жорий этилганини маълум қилган.

Келишувга мувофиқ, гуманитар миссияни 29-октябрь куни амалга ошириш режалаштирилган. Россия томони йўлларни миналардан тозалаши, Украина эса қамалда қолган аҳолини эвакуатсия қилишга тайёргарлик кўриши керак. Хабарларга кўра, сулҳ муддатлари ва гуманитар оператсия бўйича таклиф АҚШ томонидан илгари сурилган.

Украина президенти Владимир Зеленскийнинг айтишича, вақтинчалик сулҳга эришишда АҚШ президенти Доналд Трампнинг рафиқаси Мелания Трамп воситачилик қилган. Зеленский, шунингдек, Россия гуманитар оператсиядан тарғибот мақсадларида фойдаланиши мумкинлигидан хавотир билдирган.

Украина томонининг билдиришича, асосий мақсад Олешки шаҳрида қолган аҳолини қутқариш, уларга ёрдам етказиш ва хавфсиз ҳудудга кўчишига кўмаклашишдан иборат. Гуманитар оператсиянинг якуний натижалари ҳозирча маълум эмас.