Япониянинг собиқ маликаси Мако Комуро АҚШ музейларидан бирига ишга кирди. У ўзи таҳсил олган йўналиш бўйича иш топган.

Маликанинг исми Нью-Йорк шаҳри Метрополитен музейидаги Шарқ тасвирий санъати кўргазмасини ўтказиш учун масъул ходимлар рўйхатида пайдо бўлган. Каталогда Мако Комуронинг кўргазмада кўнгилли сифатида ишлай бошлагани таъкидланган.

Малика Мако университетда санъат тарихи йўналиши бўйича таҳсил олган, АҚШга кўчиб кетишидан аввал 5 йил мобайнида Токио университети қошидаги музейда ишлаган. Севган ёри Кей Комуро билан турмуш қургани учун маликалик унвонидан маҳрум бўлган. 2021 йилда эса турмуш ўртоғи билан АҚШга кўчиб ўтган.

Мако Комуро Япониянинг валиаҳд шаҳзодаси Акисинонинг қизи ҳисобланади. Япон маликаларига оддий фуқаролар билан турмуш қуриш тақиқланган. Курсдошига турмушга чиқиш қарор қилган малика тўй куниёқ мамлакатнинг оддий фуқаросига айланган. Малика бунинг учун японияликларнинг танқидларига ҳам дучор бўлган. Мамлакат фуқаролари Кей Комурони маликага муносиб жуфт эмаслигини айтиб, Макони императорлик сулоласи қадриятларини ҳурмат қилмаганликда айблашган.

• Imperator
• Япония
• машҳурлар
• қизиқарли