Япония бош вазири Фумио Кисида ва ХХР раиси Си Сзиньпин ўртасидаги эҳтимолий учрашувга ҳозирлик кўрмоқда, бу икки давлат раҳбарларининг сўнгги уч йилдаги илк учрашуви бўлиши мумкин. Бу ҳақда “Киодо” агентлиги хабар берди.
Қайд этилишича, учрашув Таиланд ёки Индонезияда бўлиши мумкин. Кисида ҳозирда ACEAH (Жануби-Шарқий Осиё давлатлари уюшмаси) билан боғлиқ бир қатор учрашувлар учун Камбоджага йўл олади, кейин эса 15-16 ноябрь кунлари G20 саммити бўлиб ўтадиган Индонезиянинг Бали оролига ташриф буюради ва пайшанба куни Осиё-Тинч океани минтақаси Иқтисодий ҳамкорлик саммити учун Таиландга боради.
Қайд этилишича, Камбоджага учишдан олдин Кисида ҳам Си Цзиньпин, ҳам Жанубий Корея президенти Юн Сок Ёл билан учрашишни режалаштираётганини маълум қилган.
Киодо маълумотларига кўра, Кисида Си Сзиньпин билан икки давлат ўртасида конструктив ва барқарор муносабатлар ўрнатиш зарурлиги ҳақида гаплашмоқчи. Бош вазир, шунингдек, Хитойнинг Токио ва Пекин ўртасидаги ҳудудий низо объекти бўлган Токио назоратидаги Сенкаку ороллари (хитойча номи – Диаоюдао) атрофидаги денгиз фаолияти ва Пекиннинг Тайван оролига нисбатан ҳаракатларидан хавотир билдиради.
Шу билан бирга, G20 саммити доирасида АҚШ президенти Жо Байден ва Си Тсзинпин ўртасида музокаралар ўтказилиши кутилмоқда ва Япония расмийлари ушбу учрашув натижаларини кузатиб боради.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!