Япониядаги Ичинино қишлоғида 60 нафардан кам одам яшайди. Улар кўчаларга жонли атмосферани қайтариш учун қўғирчоқлар ўрнатишмоқда. Қишлоқда асосан нафақа ёшидагилар қолган. Ёшлар эса яхшироқ ҳаётни истаб, ўқиш ва ишлаш учун бошқа жойга кетишган. Уларнинг ўрнини энди қўғирчоқлар босмоқда.

“Қўғирчоқлар сон жиҳатдан биздан ошиб кетган бўлса керак”, — дейди Ичинонода яшовчи 88 ёшли Ҳисаэ Ямазаки.

Аёлнинг айтишича, қишлоқдаги кексаларнинг фарзандлари бор, аммо улар болалари бошқа жойга кўчиб кетишини қўллаб-қувватлаган. Энди бўлса Ичиноно аҳолиси бунинг жабрини тортмоқда.

Қишлоқдаги ягона бола — икки ёшли Кураносуке Като. Сўнгги 20 йил ичида аҳоли пунктида ундан бошқа чақалоқ туғилмаган.

Таъкидланишича, мамлакат бош вазири Сигеру Исиба қишлоқ ҳудудларини ривожлантиришга кўмаклашишни ваъда қилган.

• Кексалар
• Япония
• қизиқарли