Ukraina prezidenti ofisi maslahatchisi Mixail Podolyakning aytishicha, Rossiya Ukrainaga qarshi urushni faqat Xitoyning siyosiy va iqtisodiy yordami tufayli davom ettiryapti. Uning so‘zlariga ko‘ra, Pekin Moskvadan o‘z ta’sirini kuchaytirish vositasi sifatida foydalanmoqda, bu esa global beqarorlikni yanada chuqurlashtirmoqda.
Podolyak Xitoyga nisbatan qat’iy siyosat yuritish va zarurat tug‘ilsa, cheklovchi sanksiyalar joriy etish zarurligini ta’kidladi.
Washington Post ma’lumotiga ko‘ra, Xitoy yoz oylarida Rossiyaga dron ishlab chiqarish uchun zarur komponentlar, jumladan optik tolali kabellar va litiy-ion batareyalar eksportini keskin oshirgan. Iyul–avgust oylarida kabel yetkazib berish hajmi qariyb 10 baravar, batareyalar eksporti esa 50 million dollardan oshgan. Pekin esa urushda betarafligini bildirishda davom etmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!