Xabar berilishicha, yirik norozilik aksiyalari Vashingtonda bo‘lib o‘tdi, bu yerda namoyishchilar Kapitoliy binosi oldida to‘plandi. Shuningdek, Nyu-York, Boston, Chikago va Atlanta shaharlarida ham namoyishlar o‘tkazildi. Mamlakat bo‘ylab turli miqyos va shakldagi 2500 dan ortiq norozilik tadbirlari rejalashtirilgan.

Ishtirokchilar Tramp ma’muriyatining migratsiyaga qarshi choralar, shaharlarga milliy gvardiya qo‘shinlarining kiritilishi kabilarga norozilik bildirmoqda. Tashkilotchilar norozilik aksiyalarida millionlab namoyishchilar ishtirok etishini kutmoqda.

Ommaviy axborot vositalarining xabar berishicha, namoyishlar tinch o‘tmoqda, ko‘pchilik o‘z qo‘llari bilan tayyorlangan plakat va shiorlarni ko‘tarib chiqishgan, ayrimlar esa maxsus tayyorlangan kostyumlarda ishtirok etmoqda.

• AQSh
• Namoyish
• Tramp
• norozilik