Uning so‘zlariga ko‘ra, kema bortida “to‘rt nafar mashhur narkoterrorist” bo‘lgan.

“Ulardan ikki nafari o‘ldirilgan, yana ikki nafar Ekvador va Kolumbiyadan bo‘lgan shaxslar qo‘lga olingan. Razvedka ma’lumotlariga ko‘ra, mazkur suvosti kemasi fentanil va boshqa giyohvand moddalar bilan to‘ldirilgan edi. Agar men uning Qo‘shma Shtatlar qirg‘oqlariga yetib borishiga ruxsat berganimda, kamida 25 ming nafar amerikalik halok bo‘lardi”, — deb yozdi Donald Tramp Truth Social ijtimoiy tarmog‘idagi sahifasida.

Bunga javoban, Kolumbiya prezidenti AQShdan baliqchilar qayig‘ining yo‘q qilinishi bo‘yicha tushuntirish talab qildi.

Gustavo Petroning so‘zlariga ko‘ra, kolumbiyalik dengizchilarga tegishli qayiq dvigateli o‘chib qolgan va yordam signalini bergan holatda suzib yurgan bo‘lgan.

“Biz AQSh hukumatidan tushuntirish kutyapmiz. Amerikalik amaldorlar qotillik sodir etishdi va bizning hududiy suverenitetimizni buzishdi. Baliqchi Alexandro Karransaning narkotrafikka aloqasi bo‘lmagan, u har kuni baliq ovlash bilan shug‘ullangan”, — deya ta’kidlagan Kolumbiya rahbari.

• AQSh
• Kema
• Kolumbiya
• Tramp