Ichiida O‘zbekiston fuqarolari bo‘lgan avtobus Jambil viloyati hududidan o‘tuvchi trassada ag‘darilib ketdi. YTH “Olmaota-Toshkent” avtomobil yo‘lining 571-kilometrida, Jambil viloyati, Jualin tumani, Bauyrjan Momishuli qishlog‘idan olti kilometr uzoqlikda sodir bo‘lgan.

Jambil viloyati Favqulodda vaziyatlar departamenti matbuot xizmati xabariga ko‘ra, YTH oqibatida oqibatida avtobus haydovchisining yordamchisi va yo‘lovchisi voqea joyida halok bo‘lgan. 33 kishi kasalxonaga yotqizilgan va ulardan uch nafari shifoxonaning jonlantirish bo‘limiga joylashtirilgan.

Dastlabki maʼlumotlarga ko‘ra, YTH ob-havo sharoitining yomonlashishi (yomg‘ir va do‘l) tufayli ro‘y bergan. Avtobus haydovchisi rul boshqaruvini yo‘qotib, xuddi shu yo‘nalishda harakatlanib ketayotgan traktor tirkamasi bilan to‘qnashib ketgan.

Mazkur holat yuzasidan Qozog‘iston Respublikasi Jinoyat kodeksining 345-moddasi 4-qismi (Transport vositasini boshqarayotgan shaxs tomonidan ehtiyotsizlik oqibatida ikki yoki undan ortiq shaxsning o‘limiga olib kelgan yo‘l harakati yoki transport vositalaridan foydalanish qoidalarini buzishi) bilan tergovga qadar surishtiruv harakatlari olib borilmoqda.

• O‘zbekiston
• Qozog‘iston
• YTH