Dunyo bo‘ylab 60 milliondan ziyod insonlar Altsgeymer kasalligidan aziyat chekadi. Bular orasida biz bilgan va tanigan san’atkor, aktyorlar va hatto sportchilar ham bor. AQShdagi Bak tadqiqot instituti olimlari Altsgeymer kasalligiga chalingan bemorlarda xotirani tiklashga yordam beruvchi mexanizmni aniqlashdi. Bu usul laboratoriya sichqonlarida muvaffaqiyatli sinovdan o‘tkazilgan.

Altsgeymerni to‘liq bartaraf etuvchi shifo yo‘li hozircha aniqlanmagan. Biroq davolashning aksariyat usullari kasallik tufayli miyada to‘planadigan toksik oqsillar darajasini kamaytirish bilan amalga oshirilar edi. Yangi usulda olimlar faqatgina inson miyasi va buyragida bo‘ladigan KIBRA oqsiliga e’tiborni qaratdilar. Bu oqsil orqali miya neyronlar orasidagi bog‘lanishlarni lokalizatsiya qiladi. Hamda KIBRA xotirani shakllantirish uchun zarur oqsildir.

Tadqiqot orqali Altsgeymer kasalligiga uchragan insonlarning miya omurilik suyuqligida KIBRA darajasi tushib ketishi ma’lum bo‘ldi. Shu sababli olimlar KIBRA oqsilini Altsgeymer kasalligi mavjud sichqonlarga kiritdilar. Natijada bu sichqonlardagi xotirani tikladi.

Tadqiqotchilarning taʼkidlashicha, bu usul kasallikning boshqa zararlarini kamaytirmaydi. Faqatgina xotirani tiklashi mumkin.

• salomatlik