Amerikaning mashhur “Chainsmokers” guruhi kosmosda konsert beradi. Guruh aʼzolari Endryu Taggart va Aleks Pollning koinotdagi chiqishi 2024-yilga rejalashtirilgan. Ijrochilar bu maqsadda shartnoma imzolab ulgurishgan va kosmik turizm bilan shugʻullanuvchi “World View” kompaniyasining parvozlaridan birida ishtirok etishlarini maʼlum qilishgan. Sanʼatkorlar parvoz vaqtida maxsus muhrlangan kapsula ichiga joylashtiriladi va u yerda eng mashhur hitlarini ijro etishadi.

“Biz Yer hamda koinot manzarasi aql bovar qilmas darajada ilhomlantiruvchi boʻlishini yaxshi bilamiz. Shuning uchun ushbu parvozdan ijod uchun foydalanishga umid qilamiz”, – deydi “The Chainsmokers” guruhi vakillari.

Maʼlumot uchun, oʻtgan yili Klim Shipenkoning “Challenge” filmi epizodlari koinotda suratga olingandi. Rejissor aktrisa Yuliya Peresild bilan kosmik parvozni amalga oshirgan. Yaqindagina ushbu kartinaning asosiy qismini suratga olish ishlari boshlandi.

• Dunyo
• Koinot
• Musiqa
• konsert
• qiziqarli