Shu kunlarda aksariyat o‘zbekistonliklar islom dini farzlaridan biri – Ramazon ro‘zasini tutib, ro‘za ibodatlarini ado etmoqda. 

Prezidentning joriy yil 16-fevraldagi “Muborak Ramazon oyini munosib tarzda o‘tkazish to‘g‘risida” qarorida belgilangan vazifalar ijrosi yuzasidan ushbu muborak oy davomida bozorlardagi narx-navolar barqarorligini ta’minlash maqsadida tashkil etilgan savdo yarmarkalarida oziq-ovqat va qishloq xo‘jaligi mahsulotlarining arzon narxlarda sotilishi yo‘lga qo‘yildi. 

Yarmarkalarda sifatli va sarxil mevalar, sabzavot va poliz, shuningdek, asal, sut, tuxum, go‘sht, baliq, umuman, 60 dan ortiq turdagi oziq-ovqat va qishloq xo‘jaligi mahsulotlari xaridorlarga taqdim etilmoqda.

Andijon shahrining Markaziy hamda Yangi bozor dehqon bozorlari hududida tashkil etilgan arzonlashtirilgan savdo yarmarkalarida xaridorlarga mol go‘shti kilosi 70-90 ming, pista yog‘i bir litri 20 ming, paxta yog‘i 18 ming, shakar kilosi 12,5 ming so‘m, guruch 10-15 ming so‘m, tuxumning donasi ming so‘m, piyozning kilosi 2 ming, sabzi 3 ming, kartoshka 4 ming so‘mdan sotilmoqda. 

Arzonlashtirilgan savdo yarmarkalari faoliyati Ramazon oyi yakuniga qadar davom etadi. 

• Andijon
• Bozor
• Ramazon