Aktrisa va Birlashgan Millatlar Tashkilotining elchisi Anjelina Joli xalqaro hamjamiyatni suv toshqinidan jabr ko‘rgan Pokiston xalqi uchun ko‘proq harakat qilishga chaqirdi.

20-sentabr kuni suv toshqinidan jabrlanganlarga yordam berish uchun Pokistonga kelgan Joli poytaxt Islomoboddagi Milliy Toshqin nazorati va muvofiqlashtirish markazidagi rasmiylar bilan uchrashdi.

Joli bu yerdagi bayonotida, bunday falokatni ilgari hech qachon ko‘rmaganligini ta’kidlab, atrof-muhitga kamroq zarar yetkazgan davlatlar eng og‘ir tabiiy ofatlar va o‘limlarni boshdan kechirganini aytadi.

Gumanitar ehtiyojlarning ahamiyatiga e’tiborini qaratgan Joli xalqaro hamjamiyatni toshqindan jabr ko‘rgan Pokiston xalqi uchun ko‘proq harakat qilishga chaqirdi.

Pokistonda 14-iyundan beri davom etayotgan musson yomg‘irlari oqibatida yuzaga kelgan suv toshqinlari oqibatida 1500 dan ortiq odam halok bo‘lgan, 33 milliondan ortiq kishi jabrlangan.

• Pokiston
• Shou-biznes
• qiziqarli