“Apple” kompaniyasi dunyodagi eng qimmat brendlar reytingidagi birinchi oʻrinni qaytadan egalladi. Maʼlumotlarga koʻra, kompaniyaning qiymati 55 foizga oshgan, umumiy qiymat koʻrsatkichi esa 947 milliard AQSh dollariga yetgan.

Reytingdagi ikkinchi oʻrinni “Google“ kompaniyasi (820 milliard dollar) band etdi. ”Amazon” 705,6 milliard dollarlik qiymat koʻrsatkichi bilan uchinchi oʻrindan joy olgan. Uning qiymati oʻtgan yil davomida bor-yoʻgʻi 3 foizga koʻtarilgan.

Kuchli beshtalikka “Microsoft“ (611 milliard AQSh dollar) va ”Tencent“ (214 milliard dollar) kompaniyalari ham kirdi. Undan keyingi oʻrinlarni esa ”McDonaldʼs“, ”Visa“, ”Facebook“, ”Alibaba“ va ”Louis Vuitton” kompaniyalari band etdi.

Elektromobillarga boʻlgan talabning oshishi natijasida “Tesla” kompaniyasi reytingdagi 29-oʻringa chiqib olgan va eng qimmat avtomobil brendiga aylangan.

• Apple
• Brend
• qiziqarli
• reyting