Apple Apple M4 chipiga ega yangi iMac kompyuterini taqdim qildi. Asosiy yangiliklar - nano-teksturali displey, 12 megapikselli Center Stage kamerasi va Thunderbolt 4 portlari.

M4 chipi tufayli iMac ilovalarni ochish va Safari bilan ishlash kabi kundalik vazifalarni bajarishda 1,7 barobar tezroq ekani ta’kidlanmoqda. Yanada og‘irroq yuklamalarda, jumladan, fotosuratlarni qayta ishlashda tezlik 2,1 baravar oshgan.

Video o‘yinlar yangi grafik protsessor tufayli sezilarli darajada silliq ishlaydi va M4 chipidagi Neural Engine endi uch baravar tezroq bo‘lib, sun’iy intellekt ilovalari unumdorligini sezilarli darajada oshiradi. Qurilma 16 Gb tezkor xotira bilan ta’minlanadi, uni 32 Gb gacha kengaytirish mumkin. Yangilangan 12 megapikselli Desk View funksiyasiga ega Center Stage kamerasi videoqo‘ng‘iroqlar uchun optimallashtirilgan: u foydalanuvchini ekranning markazida ushlab turgan holda ramkani avtomatik ravishda tekislaydi va bir vaqtning o‘zida stolda nima borligini ko‘rsatish imkonini beradi.

Ovoz tizimi uchta mikrofon va hajmli ovozni yaratadigan oltita dinamikdan iborat. Barcha iMac kompyuterlari rangiga mos aksessuarlar – Magic Keyboard klaviaturasi va Magic Mouse sichqonchasi bilan ta’minlangan. Ba’zi opsiyalarda Magic Trackpad ham bor.

Ularning har biri USB-C ulagichiga ega. Yangi mahsulotning barcha to‘rtta USB-C porti Thunderbolt 4 ni qo‘llab-quvvatlaydi, bu bir vaqtning o‘zida yuqori tezlikdagi drayverlarni va ikkita 6K monitorni ulash imkonini beradi. iMac shuningdek, Wi-Fi 6E va Bluetooth 5.3 modullari bilan jihozlangan va Touch ID ga ega.

Qurilma yettita rangda mavjud - yashil, sariq, to‘q sariq, pushti, binafsha, ko‘k va kumush. Asosiy model narxi 1299 AQSh dollardan boshlanadi, 10 yadroli protsessorga ega yangilangan versiya esa 1499 AQSh dollari turadi. Kompyuterlarga 28-oktyabrdan boshlab oldindan buyurtma berish mumkin, sotuvlar 8-noyabrdan boshlanadi.

• Apple
• Lifestyle
• Maishiy texnika