Bu haqda Oq uy matbuot kotibi Kerolayn Levitt brifing chog‘ida ma’lum qilgan.

Meksika va Kanadadan import qilinadigan mahsulotlar uchun 25 foiz bojxona to‘lovi qo‘yiladi, Xitoydan import uchun esa 10 foiz boj belgilandi.

Donald Tramp Meksika va Kanadaga qarshi boj joriy qilish rejasini ilk bor 2024-yil noyabr oyida, saylovdagi g‘alabasidan so‘ng e’lon qilgan edi. U bu chorani AQShga noqonuniy migrantlar va narkotik moddalar, xususan, fentanil oqimini to‘xtatish bilan izohlagan. Tramp 20-yanvar kuni inauguratsiya marosimida yana bojxona tariflari joriy etilishini tasdiqlab, ular 1-fevraldan kuchga kirishini aytgan edi.

Kanada, Meksika va Xitoy – AQShning uchta eng yirik savdo hamkorlari hisoblanadi. Axios nashrining yozishicha, ushbu mamlakatlarga qarshi bojlar joriy etilishi ularning javob choralariga sabab bo‘lishi mumkin, bu esa biznes va iste’molchilar uchun iqtisodiy yo‘qotishlarga olib kelishi ehtimoli yuqori.

• AQSh
• Davlat boji
• Kanada
• Meksika
• Xitoy