AQSh Ukrainaga yangi yordam paketi doirasida yana uch milliard dollar ajratdi. Bu haqda Oq uy rasmiy vakili Karin Jan-Pyer ma’lum qildi.
“Qo‘shma Shtatlar 3 milliard dollardan ortiq yangi harbiy yordamni e’lon qilish orqali Ukrainaning o‘zini himoya qilish qobiliyatini ta’minlashga sodiqligini namoyish etadi”, dedi u.
Ta’kidlanishicha, bu Rossiya bilan urush boshlanganidan beri AQShning Ukrainaga ko‘rsatgan eng yirik harbiy yordam paketidir.
Yangi paket piyoda jangovar mashinalari, o‘zi yurar gaubitsalar va zirhli transport vositalari, shuningdek, “yer-havo” raketalari, o‘q dorilar va boshqa narsalarni o‘z ichiga oladi.
Tez orada Pentagon tomonidan qurollarning batafsil ro‘yxati e’lon qilinadi.
Oq uy rasmiy vakilining so‘zlariga ko‘ra, 2,85 milliard dollarlik paket Ukraina va NATOning sharqiy qanotini mustahkamlashga sarflanadi.
Ittifoqchilar 682 million dollar oladi va bu paketdan 225 million dollar uzoq muddatga Ukraina Qurolli kuchlarini modernizatsiya qilish va harbiy salohiyatni rivojlantirish uchun mo‘ljallangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!