Arterial bosimning pasayib ketishi xavfi gipertoniyaga nisbatan kamroq bo‘lsa ham, keraklicha e’tibor berilmagan holatda yurak xurujiga sabab bo‘lishi mumkin. Bu haqida germaniyalik kardiolog Robert Shvinger aytib o‘tdi. 

Mutaxassis past qon bosimi salomatlikka jiddiy zarar yetkazmasligi, qon aylanish tizimini himoya qilishi haqidagi fikrlarni butunlay inkor etgan. 

Shifokorning ma’lum qilishicha, qon bosimining pasayib ketganini quloqlardagi shovqin, holsizlik, bosh og‘riqlari, yurish vaqtida chayqalib ketishdan bilsa bo‘ladi. Ushbu belgilar paydo bo‘lgan holatda zudlik bilan shifokorga murojaat qilish kerak. 

Shvinger gipotoniya ba’zida mustaqil kasallik ham bo‘lishi mumkinligi, ba’zida esa qalqonsimon bez faoliyatining buzilishi, yurak-qontomir kasalliklari va neyrogen buzilishlar oqibatida yuzaga kelishini aytib o‘tgan. 

Odatda qon bosimining past ekanligi yoshlarga katta xavf tug‘dirmaydi. Ammo, katta yoshli odamlar qon bosimining pastligi natijasida yurak xurujiga duchor bo‘lishlari mumkin. Shuning uchun ham arterial bosimning past ekanligi muammosiga yuzaki qarab bo‘lmaydi. 

• Foydali
• salomatlik