Bermud uchburchagi haqida eshitganmisiz? U dunyoning eng mashhur geopatik zonalaridan biri. Bermud uchburchagi – Sargasso dengizidagi (Atlantika okeani) hudud bo‘lib, unda bir versiyaga ko‘ra, kemalar va samolyotlarning sirli yo‘qolishi va boshqa anomal hodisalar sodir bo‘ladi. Hudud Mayami, Bermud va San-Xuan (Puyerto-Riko) cho‘qqilari oralig‘idagi uchburchak hudud bilan chegaralangan.

Geopatik zonalar nima?

Geopatogen zonalar fanga noma’lum bo‘lgan anomal va xavfli nurlanishlar namoyon bo‘ladigan joylardir.

Bunday joylar inson va hayvonlar salomatligiga zarar yetkazishi aytiladi. Shuningdek, turli xil hodisalar geopatogen zonalarga tegishli. Masalan, Bermud uchburchagi kabi joylarda kemalar yoki samolyotlarning g‘oyib bo‘lishi, avtomobil yo‘llarining ayrim qismlarida muntazam avariyalar yoki yangi uy sotib olgandan keyingi yomon uyqu va hokazo.

Geopatogen zonalar qayerdan kelib chiqadi?

Geopatik zonalar nazariyasi izdoshlari salbiy omillarning paydo bo‘lishining bir qancha sabablarini aniqlaydilar. Elektromagnit nurlanish tarmoqlarining kesishgan joylarida ham shunday zonalar vujudga kelishi aytiladi.

Geopatologlarning qarashlari birinchi navbatda nemis shifokori Ernst Xartman va uning amerikalik hamkasbi Manfred Karrining g‘oyalariga asoslanadi. 1950-60-yillarda ular mustaqil ravishda butun Yer yuzi elektromagnit nurlanish tarmoqlariga o‘ralgan, degan xulosaga kelishdi.

Tarmoqlarning kesishmasida zararli radiasiya to‘planadi – yer usti radiasiyasi yoki E-nurlari. Tarmoqlar ko‘p bo‘lgani uchun bunday “xavfli” bo‘limlar juda ko‘p.

Shuningdek, geopatik zonalar nazariyasiga XX asr boshida nemis geologi Gustav fon Poxlning qarashlari ta’sir ko‘rsatdi. Anomal nurlanishning yana bir manbasi sifatida yer qobig‘idagi yoriqlar, yer osti suvlari, geologik bo‘shliqlar va rudalar to‘planishi aytiladi.

Energiya landshaftining buzilishi
Ushbu g‘oyalarni ishlab chiqayotib, ba’zi geopatologlar, shuningdek, binoning shakli yoki relefiga qarab, salbiy nurlanish to‘sqinliksiz tarqalishi yoki hatto kuchayishi mumkinligiga ishonishadi. Konsepsiya tarafdorlarining fikricha, past qavatli binolari va shiftlari baland eski shaharlar zamonaviy shaharlarga qaraganda tevarak-atrofdagi energetik landshaftga yaxshiroq mos tushadi. Bu, albatta, sog‘likka ham ta’sir qiladi.

Ba’zi geopatologlar uy dekorasining elementlari ham salbiy energiyani olib yurishi mumkinligiga ishonishadi.

Geopatologlar xavfli zonalarni qanday aniqlaydi?

Albatta, oddiy odam anomaliyani his qila olmaydi: uning rangi va hidi yo‘q, hatto standart ilmiy asboblar ham ularni kuzatmaydi. Ammo geopatologlar nima qilish kerakligini bilishadi. Katta ehtimol bilan siz bu jarayonni psixika va paranormal hodisalar haqidagi dasturlarda ko‘rishingiz mumkin.

Aniqlashning mohiyati shundan iboratki, “Y” shaklidagi maxsus temir novdalar yoki mayatnik yordamida hududni skanerlaydi. Shuningdek, anomaliyalarni aniqlash uchun zararli nurlanishning turli detektorlaridan foydalanish mumkin.

Biroq, detektor har doim ham yerda bo‘lishni zarur, deb hisoblamaydi. Ulardan ba’zilari “Google Maps” yordamida geopatogen zonalarni aniqlashga muvaffaq bo‘lishadi.

Geopatik zonalar qanday zarar yetkazadi?

Geopatologlarning fikriga ko‘ra, anomal zonalarda bo‘lish oqibatlari o‘zini aql bovar qilmaydigan muammolar ko‘rinishida namoyon qiladi. Masalan, baxtsiz hodisalar, uskunalarning buzilishi, sog‘likning yomonlashishi va hokazo.

Avvaliga odam bosh og‘rig‘i va bosh aylanishini his qila boshlaydi Asta-sekin vaziyat yomonlashadi, bu qon bosimi, yurak urishi va nafas olishda, taxikardiya rivojlanishida namoyon bo‘ladi. Natijada, geopatogen zonada uzoq vaqt qolish ruhiy va kognitiv buzilishlarga, yurak-qon tomir, onkologik va boshqa kasalliklarga, shuningdek, o‘z joniga qasd qilishga ham olib keladi.

Geopatogenlarning fikriga ko‘ra, anomaliyalar hayvonlar va o‘simliklarga ham zarar yetkazadi.

Fanning geopatik zonalar nazariyasi bilan qanday aloqasi bor?

Olimlar bu konsepsiyaga shubha bilan qarashadi. Yerning tuzilishi va anomaliyalar o‘rtasida hech qanday bog‘liqlik yo‘q. 1990-yillarning oxirida Rossiya Fanlar akademiyasining Geoekologiya instituti xodimlari geopatogenez muammosini o‘rganishdi. Ular turli xil anomaliyalar va Yerning geologik tuzilishi o‘rtasida hech qanday aloqa va nazariyani qo‘llab-quvvatlovchi hech qanday dalil topishmagan.

• Atlantika okeani
• Bermud uchburchagi
• Markaziy Amerika
• Yer