Internet foydalanuvchilari turli mamlakatlar boʻylab tarqalayotgan yangi kasallik – maymunchechekning qayerdan paydo boʻlganini aniqlashga harakat qilmoqdalar. Foydalanuvchilarning bir qismi uning tarqalishida Bill Geytsning qoʻli borligini taxmin qilishgan.

Koronavirus pandemiyasi boshlangan ilk davrda ham Bill Geyts uning tarqalib ketishiga bevosita aloqador shaxs sifatida ayblangan edi. Internet foydalanuvchilarining bu safargi taxminlari ham asossiz emas.

Gap shundaki, Bill Geyts oʻtgan yili bergan intervyusida dunyoni yangi virus pandemiyasi kutib turgani haqida gapirib, asosiy eʼtiborni chechak kasalligiga qaratgan edi.

Tadbirkorning mana shu soʻzlari foydalanuvchilarning shubhalariga sabab boʻlgan. Ularning ayrimlari Geyts kasallikni atay tarqatgani, vaksina va boshqa turdagi dori vositalarini sotib pul ishlash niyatida ekanligini aytishgan.

Eslatib oʻtamiz, 66 yoshli Bill Geyts dunyodagi eng badavlat 5 nafar odamdan biri hisoblanadi. Tadbirkor “Microsoft” kompaniyasining 1,37% foiz aksiyalariga egalik qiladi. U oʻtgan yili kompaniya boshqaruvidan ketgan, vaqtining asosiy qismini “Bill va Melinda Geyts” fondiga ajrata boshlagan.

• milliarderlar
• pandemiya
• salomatlik