Buyuk Britaniya Rossiyaning Afrika, Osiyo va Lotin Amerikasiga ta’sir kamaytirish uchun hozirlik ko‘rmoqda.

Qayd etilishicha, Britaniya ushbu hududlardagi mamlakatlarda Rossiya ta’sirining oldini olish uchun uch qit’a davlatlari bilan munosabatlarni rivojlantirish bo‘yicha uzoq muddatli strategiyalarni ishlab chiqadi. Bu haqda Britaniya tashqi ishlar vaziri Jeyms Kleverli e’lon qilgan bayonotida aytildi.

“Kelgusi o‘n yilliklarda jahon iqtisodiyotining yanada ko‘proq ulushi Osiyo, Afrika va Lotin Amerikasi mamlakatlariga to‘g‘ri keladi. Buyuk Britaniya taklifi (bu davlatlar bilan munosabatlarni rivojlantirish) ularning manfaatlariga asoslanadi va savdo, sarmoya, mudofaa, texnologiya hamda iqlim o‘zgarishi sohasidagi kuchli tomonlarga e’tibor qaratadi. Bu infratuzilmaga sarmoya kiritishning ishonchli manbasi bilan qo‘llab-quvvatlanadi. Biz strategik mustahkamlikni, uzoq muddatda ishlash istagini namoyish etamiz. Men tashqi siyosatimiz doimo ertangi kunni ko‘zda tutishini, ufqdan tashqariga, 10-20 yil oldinga qarashini istayman”, – dedi TIV rahbari.

Bayonotda qayd etilishicha, joriy yilning 6-sentyabr kuni Tashqi ishlar vazirligi rahbari lavozimini egallagan Kleverli 12 dekabr kuni Londonda o‘zining hozirgi lavozimida uzoq muddatli tashqi siyosat strategiyalarini qurish zaruriyatiga bag‘ishlangan birinchi asosiy nutqni so‘zlaydi. Ta’kidlanishicha, Kleverli “tarixning har qanday davridagidan ko‘ra ko‘proq odamlar uchun nisbatan tinchlik va farovonlikning misli ko‘rilmagan davrini ta’minlagan tamoyillar, qoidalar va global institutlarni mustahkamlaydigan kelajak sherikchiligini qurish” muhimligiga ishora qiladi.

Britaniya Tashqi ishlar vazirligida qo‘shimcha qilinganidek, Kleverli “Rossiya kabi davlatlarga ishonchli va ishonchli muqobil yaratish” zarurligiga e’tibor qaratadi. Bayonotda aytilishicha, London “suverenitet va hududiy yaxlitlikka, erkin savdoga ishonadigan” davlatlar bilan munosabatlarni rivojlantirishdan manfaatdor.

• Afrika
• Buyuk Britaniya
• Lotin Amerikasi
• Osiyo
• Rossiya