Buyuk Britaniyaning Kent grafligidagi hayvonot bog‘ida veterinarlar 18 yoshli, besh metr uzunlikdagi Jodi Foster laqabli to‘rsimon pitonni xavfli o‘smadan davolashdi.

Pitonning og‘iz bo‘shlig‘ida tez o‘sayotgan o‘sma aniqlangan. U sudralib yuruvchining ovqatlanishiga xalaqit bergani sababli mutaxassislar davolashning boshqa usulini tanlagan.

Veterinarlar an’anaviy jarrohlik amaliyoti o‘rniga elektroximioterapiyadan foydalangan. Ushbu usulda kichik dozadagi kimyoterapiya preparati yuborilib, zararlangan hududga qisqa elektr impulslari ta’sir ettiriladi. Bu dori vositasining o‘sma hujayralariga samaraliroq yetib borishiga yordam beradi.

Davolashdan bir necha hafta o‘tib, mutaxassislar o‘smaning to‘liq yo‘qolganini qayd etgan.

Hozirda piton to‘liq tiklangan, odatiy ratsioniga qaytgan va o‘zini yaxshi his qilmoqda. Mutaxassislar ushbu holat yirik sudralib yuruvchilardagi onkologik kasalliklarni davolashda yangi imkoniyatlarni ochishi mumkinligini ta’kidlamoqda.