NASA mutaxassislari 12-avgust kuni potentsial xavfli asteroid Yerga yaqinlashishi haqida ogohlantirdi. Live Science ma’lumotlariga ko‘ra, uning o‘lchami 13metrdan 28 metrgacha.

Koinot obyektiga 2015 FF nomi berildi. U 33 012 km/soat tezlikda harakatlanadi. Bu tovush tezligidan taxminan 27 baravar yuqori.

Hisob-kitoblar shuni ko‘rsatadiki, asteroid Yerga 4,3 million km masofada yaqinlashadi.

NASA sayyoramizdan 193 million km masofada joylashgan har qanday kosmik obyektni “Yerga yaqin obyekt” deb tasniflaydi. 7,5 million km masofada joylashgan asteroidlar "potentsial xavfli" hisoblanadi.

Astronomlar bunday obyektlarni kuzatib boradilar, chunki ularning traektoriyasidagi har qanday o‘zgarish falokatga olib kelishi mumkin. Ayni paytda Yer asteroidlari ta’siridan ogohlantirish tizimi ma’lumotlar bazasida 28 000 ga yaqin asteroid mavjud.

Butun dunyo bo‘ylab kosmik agentliklar xavfli obyektlarning orbitasini sun’iy ravishda o'zgartirish ustida ish olib bormoqda.

• Koinot
• NASA
• qiziqarli