Xabardor.uz tahririyati joylardagi muammolarni yoritishda hamda ularga mutasaddilarning e’tiborini qaratishda davom etadi.

Bu safargi murojaat  Xorazm viloyati Iqtisodiyot markazi hisoblangan Hazorasp tumanining fuqarolaridan kelib tushgan. 

Tuman aholisi yog‘ingarchilik mavsumida loy, yoz kunlarida esa chang bo‘lib ketadigan nafaqat Hazorasp bozoriga, balki mahallardagi ko‘chalarga mutasaddilar e’tibor qaratishini so‘rashmoqda.

“Tumanimizda yog‘ingarchilik boshlanganda bozorimiz ko‘lga aylanadi. Bemalol odam bolasi suzsa bo‘ladi bu joyda. Bunaqa suv hatto Amudaryoda ham yo‘q, mas’ullar shu suvlarni Amudaryoga olib borib quysa bo‘lardi. Qaysidir cho‘lda sun’iy yomg‘ir yog‘dirishibdi. Undan ko‘ra, bizdagi muammolarga ham bir qarashsin. Necha yillardan beri shu ahvol, biron nima demoqchi bo‘lsak, darrov og‘zimizga qopqoq bosishadi… Biz qishni botqoqlikda, yozni esa chang ichida o‘tkazamiz!” 

Tahririyatga kelib tushgan suratlardan ham ko‘rinib turibdiki, yog‘ingarchilik mavsumida bozor ahvoli fuqarolarga bir qator muammolar tug‘diradi. Jumladan, harkatlanish qiyin, suvlar to‘planib qolayotgani tufayli savdogarlarning ham mollariga bir qancha zarar keltirmoqda. Ko‘rib turganingizday ushbu bozordagi yo‘llardan yurish imkonsiz. 

Mutasaddilar qish va yoz oylarida aholi uchun qiyinchiliklar tug‘dirayotgan muzkur muammoning ijobiy hal etilishiga e’tibor qaratishadi, degan umiddamiz.

• Bozor
• Hazorasp
• Murojaat
• Xorazm