Ma’lum bo‘lishicha, Chili Patagoniyasi qirg‘oqlarida kit 20 yoshli erkakni avval yutib, keyin uni tashqariga uloqtirib yuborgan.

Videoda ko‘rib turganingizdek, Adrian Simankas otasi Dell bilan Magellan bo‘g‘ozidagi San-Isidro mayoqchasi yaqinidagi kemada sayr qilayotganida, kit suv yuziga chiqib, Adrian va uning kemasini bir necha soniyaga yutib yuborgan va sal o‘tib tashqariga chiqarib tashlagan.

Voqea yuz berganda bir necha metr narida bo‘lgan Dell o‘g‘lini xotirjam bo‘lishga undagan holda bu hodisani videoga olgan. Adrian esa o‘zini kit yutib yuborgani uchun o‘lgan deb o‘ylaganini aytgan.

Lekin Chili suvlarida kitlarning odamlarga hujumi juda kam uchraydigan holat hisoblanadi.

• Chili