AQSh prezidenti Donald Tramp Vashington (Kolumbiya okrugi)da o‘lim jazosini joriy etish haqidagi farmonni imzoladi. Bu qaror okrugdagi jinoyatchilikning keskin o‘sishi va “yumshoq siyosat” natijasida xavfsizlikka tahdid kuchaygani bilan izohlandi.

2024-yilda Vashingtonda qotillik darajasi har 100 ming aholiga 27,3 tani tashkil etib, AQShda to‘rtinchi o‘rinni egalladi. Bu Nyu-Yorkdan qariyb 6 barobar yuqori ko‘rsatkich.

Trampga ko‘ra, o‘lim jazosi — qotilliklarni to‘xtatishda samarali chora, va bu jazo qotillik sodir etgan har bir shaxsga qo‘llanishi lozim. Oxirgi marta Vashingtonda 1957-yilda qatl qilingan. 1981-yilda o‘lim jazosi bekor qilingan edi, ammo okrugning federal maqomi tufayli Tramp farmon chiqarish huquqiga ega bo‘ldi. Uni amalga oshirishni AQSh Adliya vazirligi nazorat qiladi.
Qaror tanqidga uchradi — ayrimlar sudlarda notekis munosabat va irqiy adolatsizlik haqida gapirdi. So‘nggi 50-yilda qatl qilingan 200 kishidan 108 nafari keyin oqlangan va ularning aksari — qora tanlilar.

Hozirda AQShning 27 ta shtatida o‘lim jazosi amal qiladi, yana 6 ta shtatda qonuniy bo‘lsa-da, moratoriy joriy qilingan. Bayden 2021-yilda federal o‘lim jazosiga moratoriy kiritgan, Tramp esa uni bekor qildi.

• AQSh
• Tramp