Piskent va Bo‘ka tumanlarida aniqlangan holatlar yuzasidan dastlabki munosabat bildirilganidan so‘ng, Maktabgacha va maktab ta’limi vaziri E’zoza Karimova va o‘rinbosari Azizbek Turdiyev vaziyatni shaxsan o‘rganish uchun Quyi Chirchiq, Oqqo‘rg‘on, Piskent va Bo‘ka tumanlaridagi bog‘chalarga tashrif buyurdi.

Tekshiruv jarayonida bog‘chalardagi umumiy holat, xususan, oshxonalar va sanitariya sharoitlari ko‘zdan kechirildi. Tarbiyachilar va rahbariyat bilan muloqot o‘tkazildi. Hozirda: Quyi Chirchiqda 12 nafar, Oqqo‘rg‘onda 97 nafar bola shifokorlar nazoratida, ularning holati barqaror.

Piskent va Bo‘kadagi bolalar ham ehtiyot chorasi sifatida navbati bilan tibbiy ko‘rikdan o‘tkazilmoqda. Hozircha bolalar sog‘lig‘ida jiddiy xavf aniqlanmagan. Hodisa bo‘yicha huquq-tartibot organlari tomonidan tergov ishlari boshlangan va holat tegishli tashkilotlar nazoratiga olingan.

Ijtimoiy tarmoq foydalanuvchilaridan asossiz ma’lumotlar tarqatmaslik so‘raldi.

• Maktabgacha va maktab ta'limi vazirligi
• Toshkent viloyati