32°
Kechasi 17°
Ayni damda Qamchiq dovonida qor yog‘moqda. Bu haqda “Qamchiqavtoyo‘l IYFK” DM xabar bermoqda.
Ma’lum qilinishicha, bugun, 20-noyabr kuni A373 “M39 a/y.- Guliston-Bo‘ka-Angren-Qo‘qon va Andijon orqali O‘sh” avtomobil yo‘lining 171-233- km.lar va 247-265-km.lar oralig‘ida yomg‘ir, 233-247- km.lar oralig‘ida qor yog‘moqda.
Tuman, havo harorati +1 daraja, yo‘llarda ko‘rish masofasi 4 000 metrni, shamol 5-12 m/s, namlik 83 foizni tashkil etmoqda.
Qor yog‘ib turgan paytda dovonda avtotransport vositalarining to‘xtovsiz ikki tomonlama harakatlanishini ta’minlash maqsadida “Qamchiqavtoyo‘l IYFK” DM tomonidan yo‘l qoplamasida sirpanchiq bo‘lmasligi uchun mashina-mexanizmlar yordamida yo‘l qoplamasini qordan tozalash va qum-tuz aralashmasi sepish ishlari amalga oshirilmoqda.
Hozirda avtotransport vositalari ikki tomonlama xavfsiz harakatlanmoqda.
“Ayni vaqtda Qamchiq dovoni orqali harakatlanayotgan barcha haydovchilardan ob-havo sharoitini inobatga olgan holda tezlikni me’yordan oshirmasdan, oraliq masofani saqlab harakatlanishlari va barcha xavfsizlik choralarini ko‘rishlari tavsiya qilinadi”, – deyiladi “Qamchiqavtoyo‘l IYFK” DM xabarida.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
