10-o‘rin: Ostankino minorasi. Moskvada joylashgan tele va radioeshittirish minorasining balandligi 540 metr. Inshoot Yevropadagi eng baland minora hisoblanadi.

9-o‘rin: Jahon savdo markazi. U Ozodlik minorasi deb ham ataladi, ammo to‘g‘ri nomi Jahon savdo markazi. Bino 2001-yil 11-sentyabrda vayron bo‘lgan Jahon savdo markazining mashhur egizak minoralari joylashgan hududning shimoli-g‘arbiy qismida qayta qurilgan. Binoning balandligi 541 metr bo‘lib, u AQShdagi eng baland bino hisoblanadi.

8-o‘rin: CN Tower. Balandligi 553 metr bo‘lgan ushbu minora Kanadada joylashgan. U avval teleminora vazifasini ham bajargan. 1975-yildan 2007-yilgacha CN Tower dunyodagi eng baland bino hisoblangan. Minoraning yuqori qismida kuzatuv maydonchasi va restoran joylashgan.

7-o‘rin: Guanchjoudagi teleminora. Minoraning balandligi 600 metr. U Xitoyning Guanchjou shahrida joylashgan bo‘lib, 2010-yilgi Osiyo o‘yinlari uchun qurilgan.

6-o‘rin: Abraj al-Bait minoralari. Saudiya Arabistonining Makka shahrida qurilgan bu ko‘p qavatli binolar majmuasi Guanchjoudagi teleminorani atigi 1 metr ortda qoldiradi. Uning eng baland minorasi — Royal Clock Tower mehmonxonasining balandligi 601 metr.

5-o‘rin: KVLY-TV teleradio minorasi. AQShning Shimoliy Dakota shtatidagi Blanchard shahrida joylashgan ushbu teleradio minorasi 638,8 metr. U 1963-yildan 1974-yilgacha u insoniyat tarixidagi eng baland bino hisoblangan.

4-o‘rin: Shanxay minorasi. Bino Shanxayning Pudong tumanida joylashgan. Uning qurilishi o‘tgan yilning oxirida deyarli yakunlangan. Uning balandligi 632 metr, umumiy maydoni esa 380 ming kvadrat metrni tashkil qiladi.

3-o‘rin: Tokio teleminorasi. Yaponiya poytaxtidagi ushbu bino dunyodagi eng baland teleminora hisoblanadi. Uning balandligi 6341 metr.

2-o‘rin: Varshava radio minorasi. U Polshada joylashgan bo‘lib, balandligi 646,38 metr. U 1991-yilda qulab tushgan, ammo 2008-yilgacha rasmiy ravishda dunyodagi eng baland bino hisoblangan.

1-o‘rin: Burj Xalifa. Barchaga maʼlum va mashhur ushbu minora Dubayda joylashgan bo‘lib, balandligi bo‘yicha dunyo rekordini o‘rnatgan. Uning balandligi 828 metr, qavatlari soni esa 163 tani tashkil etadi. Ochilish marosimi 2010-yil 4-yanvarda bo‘lib o‘tgan.

Osmono‘par binoning umumiy qiymati taxminan 1,5 milliard dollarni tashkil qilgan. Ushbu binoda dunyodagi eng tez lift ham joylashgan, tezligi 10 metr/sekund.

• rekord