Dunyoning eng mashhur alpinisti halok bo‘ldi.

Nirmal Purja va yana to‘qqiz alpinisti Pokistondagi cho‘qqiga ko‘tarilish chog‘ida qor ko‘chkisi ostida qolib ketishgan.

Bugungi kunning eng mashhur alpinisti, ko‘pchilikka 14 ta eng baland cho‘qqini eng qisqa muddat ichida zabt etish orqali tanilgan nepallik Nirmal Purja qor ko‘chkisi oqibatida halok bo‘ldi. Bu fojia Pokistondagi 8047 metr balandlikdagi Broud-Pik tog‘ida (bu dunyoning eng baland cho‘qqilari orasida 12-o‘rinda turadi) ro‘y bergan. Bu haqda uning Elite Exped nomli sayyohlik agentligi Instagramidagi sahifasida ma’lum qildi.

«Bugun chuqur qayg‘u va yurakdagi chidab bo‘lmas og‘riq bilan tasdiqlaymizki, Nirmal „Nimsday“ Purja Broud-Pikdagi qor ko‘chkisi tufayli fojiali tarzda halok bo‘ldi. Shuningdek, ekspeditsiyaning boshqa a’zolari ham, afsuski, omon qolmagan. Dunyo o‘zining jasorati, kamtarligi va inson biz o‘ylagandan ko‘ra ko‘proq narsaga qodir ekaniga bo‘lgan mustahkam ishonchi bilan millionlab odamlarni ilhomlantirgan buyuk alpinistlardan birini yo‘qotdi», – deyiladi postda.