2026/2027-o‘quv yili uchun xorijiy va nodavlat oliy ta’lim muassasalaridan O‘zbekiston davlat OTMlariga o‘qishni ko‘chirish bo‘yicha maxsus sinovlarning o‘tish ballari rasman tasdiqlandi. Bu haqda Oliy ta’lim, fan va innovatsiyalar vazirligi ma’lum qildi. Vazirning tegishli buyrug‘iga ko‘ra, eng yuqori o‘tish bali Huquq yo‘nalishi uchun belgilangan bo‘lib, talabgorlar kamida 165 ball to‘plashi kerak. Yo‘nalishlar bo‘yicha o‘tish ballari:

Huquq — 165 ball Siyosatshunoslik — 140 ball Xalqaro munosabatlar — 140 ball Jahon iqtisodiyoti va xalqaro iqtisodiy munosabatlar — 140 ball Sog‘liqni saqlash — 132 ball San’at, ijtimoiy fanlar, jurnalistika, biznes va boshqaruv — 105 ball Transport xizmatlari — 104 ball Ta’lim, gumanitar fanlar, tillar, atrof-muhit, matematika va statistika, AKT, ijtimoiy ta’minot — 94 ball Biologik fanlar, fizika, xizmat ko‘rsatish — 80 ball Muhandislik, ishlab chiqarish va arxitektura — 75 ball Qishloq, o‘rmon va baliq xo‘jaligi, mehnat muhofazasi — 70 ball Veterinariya — 60 ball Qayd etilishicha, ayrim yo‘nalishlarda o‘tish ballari o‘tgan yilga nisbatan oshgan. Xususan, san’at yo‘nalishi bo‘yicha minimal talab 93 balldan 105 ballga, sog‘liqni saqlash yo‘nalishida esa 129 balldan 132 ballga ko‘tarilgan. Shuningdek, vazirlik xorijiy OTMlardan O‘zbekistondagi davlat oliygohlarining mos yoki turdosh bo‘lmagan bakalavriat yo‘nalishlariga o‘qishni ko‘chirishga ruxsat berilmasligini eslatdi.