O‘zbekistonda endi pedagoglar sudga shikoyat qilganda davlat bojini to‘lamaydi. Bu haqda “Davlat boji to‘g‘risida”gi qonunga qo‘shimchalar kiritildi.

Qayd etilishicha, pedagog xodimlar – kasbiy faoliyatini amalga oshirish davomida o‘z sha’ni, qadr-qimmati va ishchanlik obro‘sini himoya qilish bilan bog‘liq ishlar yuzasidan Fuqarolik ishlari bo‘yicha sudlarda davlat bojini to‘lashdan ozod qilinadi.

Shuningdek, pedagog xodimlar – kasbiy faoliyatini amalga oshirish davomida pedagog xodimlarning huquqlarini buzayotgan davlat organlarining g‘ayriqonuniy qarorlari, ular mansabdor shaxslarining harakatlari (harakatsizligi) ustidan Ma’muriy sudlarga shikoyat qilganda davlat bojini to‘lamaydi.

• Pedagog
• Shikoyat
• Sud