Ertadan “Humo Arena” yonidagi ko‘chalar transport uchun yopiladi. Bu haqda Toshkent shahar IIBB YHXB matbuot xizmati xabar berdi. 

Futzal bo‘yicha 2024-yilgi FIFA jahon chempionati O‘zbekistonning uch shahri — Toshkent, Buxoro va Andijon shaharlarida bo‘lib o‘tadi. Markaziy Osiyoda ilk bor bo‘lib o‘tadigan mazkur musobaqa 14-sentyabrda boshlanib, 6-oktyabrgacha davom etishi rejalashtirilgan.

Shu munosabat bilan joriy yil 14-sentyabrdan, 6-oktyabrgacha “Humo arena” sport majmuasiga tashrif buyuruvchi mehmonlar va muxlislarning xavfsizligini ta’minlash hamda jamoat tartibini saqlash maqsadida vaqti-vaqti bilan quyida keltirilgan ko‘chalarda transport vositalarining harakati qisman cheklanadi. Unga ko‘ra, quyidagi ko‘chalarda transport harakati vaqti-vaqti bilan cheklanadi:

Furqat - Beshyog‘och ko‘chasidan Beshyog‘och ko‘chasi bo‘ylab, Beshyog‘och - Afrosiyob ko‘chalari kesishgan chorrahasigacha;

Beshyog‘och - Afrosiyob ko‘chalari kesishgan chorrahasidan, Afrosiyob ko‘chasi bo‘ylab,

I.Karimov - Afrosiyob ko‘chalari kesishgan chorrahasiga hudud yopiladi.

• Humo
• Toshkent