Finlandiya parlamenti a’zosi Veronika Xonkasalo mamlakatga Isroil okkupatsiyasidagi hududlardan olib kelingan tovarlarni olib kirishni taqiqlovchi qonun loyihasini taqdim etgan.

Xabarda berilishicha, mazkur qonun loyihasi “xalqaro va inson huquqlari bo‘yicha kelishuvlarni buzayotgan hududlar”dan olib kelinayotgan tovarlarga taqiq joriy etishni nazarda tutadi. Xususan, bosib olingan Falastin hududlari va Gʻarbiy Sohildagi xalqaro huquqqa zid bo‘lgan Isroil aholi punktlariga asosiy e’tibor qaratilishi ta’kidlab o‘tgan.

“Taklif tasdiqlansa, u inson huquqlarining huquqlari va xalqaro huquqlarning buzilishi ortidan amalga oshirilayotgan tadbirkorlik faoliyatining oldi olinishi mumkin”, – deyiladi xabarda.Agarda mazkur turdagi importni taqiqlash qonun bo‘yicha kuchga kirsa, bu Finlandiya bojxona organlarining zimmasiga yuklanadi va uni chetlab o‘tganlarga kontrabanda, import qilinadigan tovarlarning noqonuniy aylanmasi kabi jazo turlariga muvofiq chora ko‘rilishi mumkin.

Shuningdek, ushbu qonun loyihasiga ovoz berish 2022-yil 1-fevralgacha davom etishi qayd etilgan.

• Finlandiya
• Isroil