New York Post gazetasining Florida sog‘liqni saqlash departamentiga tayanib xabar berishicha, bo‘ronlardan keyin qolib ketgan sel suvlarida bakteriyalar, ayniqsa, Vibrio vulnificus bakteriyasi yashagan.

Vibrio vulnificus infeksiyasini yuqtirgan har beshinchi odam olamdan o‘tadi.

“Helen” va “Milton” dovullari ta’siriga uchragan AQShning Florida shtatida Vibrio vulnificus bakteriyasi yuqishi oqibatida 13 kishi halok bo‘ldi. Mahalliy Sog‘liqni saqlash vazirligi ma’lumotlariga ko‘ra, shtatda jami 76 ta kasallik holati qayd etilgan, bu o‘tgan yilga nisbatan 30 taga ko‘pdir.

Bu infeksiya odam ochiq yaralarga dengiz suvini olish yoki xom dengiz mahsulotlarini iste’mol qilish orqali yuqishi mumkin. Alomatlar orasida isitma, titroq, past qon bosimi va terining shikastlanishi mavjud.

CNN ma’lumotlariga ko‘ra, 26-sentyabr kuni Florida shtatida “Xelen” to‘foni sodir bo‘lganidan keyin Vibrio vulnificus infeksiyasi bilan kasallanganlar soni 6 tadan 76 taga ko‘paygan. Sentyabr boshida birorta ham kasallik qayd etilmagan Pinellas okrugida 13 kishi kasallangan.

Amerika Kasalliklarni nazorat qilish va oldini olish markazi ma’lumotlariga ko‘ra, Qo‘shma Shtatlarda o‘rtacha 150 dan 250 gacha Vibrio vulnificus infeksiyasi mavjud.

• bakteriya
• florida
• milton