Fransiya va Buyuk Britaniya AQSh bilan hamkorlikda G‘azo sektorida xavfsizlikni barqarorlashtirish uchun xalqaro kuch tuzishga doir BMT Xavfsizlik Kengashi rezolyutsiyasi loyihasini tayyorlamoqda, deb xabar bermoqda Reuters.

Loyiha Isroil va XAMAS o‘rtasidagi AQSh vositachiligidagi sulh asosida ishlab chiqilmoqda. Diplomatlarga ko‘ra, bu kuchlar rasmiy BMT tinchlikparvar missiyasi bo‘lmaydi, ammo Indoneziya, BAA, Misr, Qatar va Ozarbayjon kabi davlatlar ishtirok etishi mumkin.

Indoneziya prezidenti Prabovo Subianto agar rezolyutsiya qabul qilinsa, 20 ming askar yuborishga tayyorligini bildirgan. Loyiha maqsadi — urushdan keyingi G‘azoda xavfsizlikni ta’minlash va tinchlik jarayonini qo‘llab-quvvatlash.

• AQSh
• Fransiya
• Xavfsizlik