Fransiyadagi mashhur Provans dalalarini ko‘rish uchun endi minglab kilometr yo‘l bosish shart emas. Chunki bugun O‘zbekistonda ham o‘zining binafsha rangga burkangan lavanda bog‘lari sayyohlarni o‘ziga rom etmoqda. Farg‘ona vodiysida, xususan Qo‘qon va Uchko‘prik hududlariga yaqin joylarda barpo etilgan lavanda plantatsiyalari so‘nggi yillarda haqiqiy turizm nuqtasiga aylanmoqda. Bu yerda yoz oylarida ochiladigan binafsha gullar nafaqat ko‘zni quvontiradi, balki butun hududni xushbo‘y ifor bilan qoplaydi.

Ma’lumotlarga ko‘ra, O‘zbekistondagi lavanda maydonlari “Mehrigiyo” kabi ekoturizm va dorivor o‘simliklar yetishtirishga ixtisoslashgan markazlar faoliyati bilan bog‘liq. Bu joylarda lavanda faqat manzara uchun emas, balki efir moyi, kosmetika va tibbiyot mahsulotlari uchun ham yetishtiriladi. Lavanda dalalarida sayr qilasiz, fotosessiyalarda ishtirok etasiz, lavandadan tayyorlangan mahsulotlarni tatib ko‘rasiz, yozgi festival va madaniy tadbirlardan bahramand bo‘lishingiz mumkin. 

O‘zbekistonda ekoturizmni rivojlantirish, hududlarni sayyohlar uchun yanada jozibador qilish va yangi iqtisodiy imkoniyatlar yaratishda muhim ahamiyat kasb etadi.Bugun lavanda faqat Fransiyaning Provansi bilan cheklanib qolmaydi. Endi u O‘zbekiston dalalarida ham gullab-yashnamoqda — va bu go‘zallikni ko‘rish uchun uzoqqa borish shart emas.