Minglab odamlar Germaniya, Italiya, Angliya shaharlarida ko‘chalarga chiqishdi.

Berlin ko‘chalarida 2 mingga yaqin odam Federal kansler idorasi yonidan Brandenburg darvozasiga borgan. Norozilik kasaba uyushmalari va partiyalar tomonidan tashkil etilgan. Inqiroz sharoitida ular boylardan ko‘proq soliq olib, adolatli taqsimlashga chaqirishgan.

“Biz qat’iy choralarni talab qilamiz. Aholining qashshoqligi eng boy mamlakatlardan birida doimiy ravishda o‘sib bormoqda”, deydi namoyishchi Sebastyan Vegner.

Shunga o‘xshash mitinglar yana Gannover, Drezden, Dyusseldorf, Frankfurt Main va Shtutgartda bo‘lib o‘tgan. Avvalroq, Germaniya federal statistika idorasi sentyabr oyida Germaniyada inflyatsiya tezlashib, rekord darajadagi 10% ga yetganini xabar qilgan edi.

Londonda tinch norozilik namoyishlari. Inglizlar o‘zlarining ayanchli ahvolini nafaqat energiya narxlarining ko‘tarilishi bilan, balki brexit bilan ham bog‘laydilar. Ular Angliyani darhol Yevropa Ittifoqiga qaytarishni talab qilmoqdalar.

Italiyada so‘nggi bir necha oy ichida korxonalarning elektr energiyasi xarajatlari 400 foizga oshgan, dedi Palermodagi norozilik namoyishi tashkilotchilari.

“Biz energiya ta’minoti bilan bog‘liq muammolar tufayli, ertaga bolalarni boqish uchun hech narsa yo‘qligi va qariyalar sovuqdan o‘lishidan qo‘rqamiz”, deydi Rosalind namoyishchisi.

Aksariyat italiyaliklar inqirozdan chiqish yo‘lini mamlakat tarixida birinchi marta bo‘lgan yangi ayol bosh vazir topadi deb umid qilishmoqda.

• Buyuk Britaniya
• Germaniya
• Italiya